ဆလိုင်းတင်မောင်ဦး သို့မဟုတ် ကြိုးစင်ပေါ်က ဥဒါန်း

ဆလိုင်းတင်မောင်ဦး သို့မဟုတ် ကြိုးစင်ပေါ်က ဥဒါန်း
-------------------

သူရဲကောင်းဆိုရင် ငါတို့ကိုယ်၌က
ငုယင်ဗန်ထရွိင်းကို သတိရ
ကင်းဂျူနီယာကို သတိရ
ချေ ဂွေဗားရား စပါတာကပ်ကို သတိရ
ချင်းအမျိုးသား
ဆလိုင်းတင်မောင်ဦးကိုတော့
မေ့နေကြလေရဲ့။

စကြာဝဠာတစ်ဖက်စွန်း ခရီးထွက်နေတဲ့
ဟေလီကြယ်တံခွန်ကြီးကို မေ့သလို
အန္တာတိကတိုက်ကြီးကို မေ့သလို
ငါတို့မေ့နေကြ။
အနောက်ဖက်က နေဝင်ဆည်းဆာကိုငေးချင်တာနဲ့
အရှေ့ဘက်က လင်းအရုဏ်ကို
ငါတို့က မေ့ထားကြတယ်
မိုက်မဲလိုက်လေခြင်း . . .

ဆလိုင်းတင်မောင်ဦး အမည်နာမ
ကြီးမြတ် ဂုဏ်ပြောင် ရဲရင့်မှုရဲ့ တံဆိပ်
အဆုံးမဲ့ အနစ်နာခံမှုရဲ့ သင်္ကေတ
သံမဏိလို ခိုင်မာမြဲမြံမှုတရားက
စစ်အာဏာရှင်ယန္တရားကို ထစ်အသွားအောင်
ကလန့်ခံခဲ့တယ်ဆို
အဲဒါ ဆလိုင်းတင်မောင်ဦးပဲ
သတိရနေရမယ်
အောက်မေ့နေရမယ်
သူ့ခေတ်မှာတော့
သူ့လောက်လှတဲ့ ကြယ်
ငါတို့ကောင်းကင်မှာ မရှိဘူး။

ဇွန် ၆
မွတ်သိပ်ငတ်ပြတ် အလုပ်သမား
ဆန်တောင်းရာ ကျည်ဆန်ရခဲ့သူများ
ဦးသန့်အရေး ကျောင်းသားများ
ဇွန် ၆ နှစ်ပတ်လည်
မှိုင်းရာပြည့်
အရေးတော်ပုံရေပြင်ပေါ်က
ကြံ့ကြံ့ခံ ဗေဒါ။

ဗြိတိသျှ ကိုလိုနီ အစ
ဒီမိုကရေစီနှစ်အနည်းငယ် အလယ်
စစ်အာဏာရှင်အဆုံး
တစ်ဦးတည်းသော ကြိုးပေးကွပ်မျက်ခံ
ကျောင်းသားခေါင်းဆောင်။

တရားမဝင် အာဏာသိမ်းအစိုးရရဲ့
တရားမှုမဲ့ စက်ဆုပ်ဖွယ် မတရားရုံးများက
နိုင်ငံတော်ပုန်ကန်သစ္စာဖောက်မှု ပါတဲ့
ဆလိုင်းတင်မောင်ဦး
မထီပြုံးနဲ့ နေမှာ မြင်ယောင်တယ်။

ဒီ ချင်းအမျိုးသားဟာ
တိုင်းရင်းသား လူငယ်တွေရဲ့
သန့်စင်သော မီးရှူးတန်ဆောင်ပါပဲ။
လောက်တဖွားဖွားခေတ်ထဲက
မကြောက်တရားပြသူ ယောက်ျားမြတ်ပါပဲ။
အာဏာရှင်ကုပ်ပိုးကို ပုတ်နှိုးလိုက်တဲ့
စူးစူးဝါးဝါး တောက်ပတဲ့ နေအလင်းရောင်ပါပဲ။

ကျောင်းသားသမိုင်း ဘယ့်တော့မှ မရိုင်းတဲ့အတိုင်း
သူ့ခေတ် သမိုင်းပေါ် ခုန်တက်
အာဏာရှင်ကို ပုံပျက်စေတာပါပဲ။

ကိုအောင်ဆန်း ကိုဗဟိန်း ကိုအောင်ကျော်တို့နဲ့မခြား
ကိုတင်မောင်ဦး ဆိုတာ
သေနတ်ပါသူတွေကို
လက်ဗလာနဲ့ ရင်ဆိုင်ဖူးသလို
လက်နက်အားကိုးသမားကို
လက်နက်အစားထိုးတိုက်ဖို့လည်း
ပြင်ဆင်ခဲ့ဖူးတယ်။

သူဟာ ရှေးရှေ့က အာဇာနည်တွေနဲ့မခြား
ကျောက်ဆောင်လို ခိုင်မာ
မြေသားလို နှိမ့်ကျိုး
လိုအပ်တဲ့အခါ
မိုးကြိုးလိုလည်း ထစ်ချုန်းခဲ့တယ်။
သူဟာ စကားလုံးတွေနဲ့ ဖော်ပြဖို့ခက်ခဲစေတဲ့
မာန်ပြင်းတဲ့ ကဗျာတစ်ပုဒ်ပါပဲ။

ငါ့ရဲ့ ကိုယ်ခန္ဓာကိုသာ သတ်နိုင်မယ်
ငါ့ရဲ့ ယုံကြည်ချက်နဲ့ ရပ်တည်ချက်ကိုတော့ ဘယ်တော့မှ သတ်လို့မရ
မင်းတို့ စစ်ဖိနပ်အောက် ငါဘယ်တော့မှ ဒူးထောက်မှာ မဟုတ်ဘူးကွ
တဲ့။

ကြိုးစင်ပေါ်က ထီမထင်ခမ်းနားတဲ့ ကဗျာ
ကြိုးစင်ထက်မှာ ကျူးရင့်တဲ့ဥဒါန်း
နှလုံးတသိမ့်သိမ့်တုန်စေပါရဲ့
သွေးတလှပ်လှပ်ခုန်စေပါရဲ့
အာဏာရှင်တွေကို
ကြောက်ဒူးဆတ်ဆတ်တုန်စေပါရဲ့။

တိုင်းပြည်တစ်ခုလုံးကို
ဟိန်းဟောက် ခြိမ်းခြောက်တဲ့ စစ်ဘီလူး
ဆလိုင်းတင်မောင်ဦးကိုတော့
တိတ်တဆိတ်သာ ကွပ်မျက်ဝံ့ခဲ့တယ်။

ခေတ်ဆိုး ခေတ်ယုတ် အဆက်ဆက်
ဒီပြည်ရဲ့ ဒီမြေပေါ်မှာ
ဒီမိုကရေစီအတွက် ဒီသွေးတွေ စွန်းကွက်ခဲ့
ကျောင်းသားအသက်တွေ အလုပ်သမားအသက်တွေ ရဟန်းရှင်တွေရဲ့ အသက်တွေ
ကလေးငယ်တွေရဲ့ ဖြူစင်နုနယ်လွန်းလှတဲ့ အသက်တွေ
ကိုဘုန်းမော် ကိုစိုးနိုင် မဝင်းမော်ဦး
အခြား အခြားသော အညတရသူရဲကောင်းတွေ
လူအုပ်ထဲ ပြေးဝင်လာတဲ့
မရဏကျည်ဆံတွေအောက်
အသက်တွေ စွန့်ခဲ့ကြရပေမယ့်
သတ်သူတွေကတော့ လွတ်ငြိမ်းနေဆဲ
မရှက်သူတွေကတော့ ရပ်တည်နေဆဲပါလား။

ငါတို့ရဲ့ မိုက်မဲတဲ့ မေ့တတ်မှုတွေကြောင့်
ဆလိုင်းတင်မောင်ဦးလို သူရဲကောင်းတွေကို မေ့ထားမိခဲ့ကြတာတွေကြောင့်
ဆလိုင်းတင်မောင်ဦးမိသားစု မျက်ရည်တွေ
ဆလိုင်းတင်မောင်ဦးရဲ့ မိခင်ရဲ့ မျက်ရည်တွေ
ဘာဖြစ်လို့ ငါတို့ဟာ မေ့နိုင်အားကြသလဲ။

အာဏာရှင် အမှောင်တိုက်က
ငါတို့ကို ဝေဝါးအောင်လုပ်ခဲ့တာပဲ
သူ့ရဲ့ဂုဏ် ညှိုးနွမ်းဖို့
အာဏာရှင်အစဉ်ဆက်ရဲ့ ပြုမူမှုဟာ
မအောင်မြင်နိုင်
ကြယ်နီဟာ ကြယ်နီ
တံခွန်ဟာ တံခွန်
သမိုင်းဟာ
စစ်ဖိနပ်ကို စစ်ဖိနပ်
လူစွမ်းကောင်းကို လူစွမ်းကောင်း
ကိုက်ညီစွာ နေရာပေးရတာပဲ
ဆလိုင်းတင်မောင်ဦး ပါတဲ့
တစ်ချိန် ပုံသွင်းရုပ်ထု
သူ့ ကျောက်ရုပ်ရှေ့ ငါတို့ဦးညွတ်ရလိမ့်မယ်။
ဒီလို ယုံကြည်တယ်။

နောက်ဆုံးထွက်သက်အထိ
တော်လှန်တဲ့ ဆလိုင်းတင်မောင်ဦး
သူ့ မိခင် မျက်ရည်ကျရသလို
သားကောင်းမိခင်တွေ မျက်ရည်ကျမှာ စိုးတဲ့
ဆလိုင်းတင်မောင်ဦး
မှိုင်းရာပြည့်မှာ ဦးဆောင်ရှေ့ရွက်
သူ့ညီမလေး မလှမြိုင်အတွက်
ဂုဏ်ယူသွားခဲ့တဲ့
ဆလိုင်းတင်မောင်ဦး။

ဆလိုင်းတင်မောင်ဦး တဲ့ဟေ့
ကမ္ဘာက သိစေ
ဆလိုင်းတင်မောင်ဦး တဲ့ဟေ့
ကမ္ဘာက ကြားစေ
သူရဲကောင်းတွေရဲ့ ကမ္ဗည်းနံရံပေါ်
သူရဲကောင်းတွေရဲ့ မော်ကွန်းကျောက်သားပေါ်
သူ့ကို ထည့်မှတ်ကြ
သူ့ နာမည်ကို ရေးထိုးကြ
စိတ်ဓာတ်ခွန်အားကသာ ရုပ်ကမ္ဘာကို ပြောင်းလဲစေတယ်
တရားမျှတမှု မေတ္တာ လူ့ဂုဏ်သိက္ခာ လွတ်လပ်မှု အကြောင်း
ဆလိုင်းတင်မောင်ဦး ပို့ချချက်
ကမ္ဘာသူ ကမ္ဘာသား အောက်မေ့ကြစေမယ်။

ဆလိုင်းတင်မောင်ဦး သေမယ်ထင်လို့
ဆလိုင်းတင်မောင်ဦးကို ကြိုးပေးကွပ်မျက်
သတ်ဖြတ်ခဲ့တယ်
ငါတို့ နှလုံးသားထဲမှာတော့
ဆလိုင်းတင်မောင်ဦး
ဘယ်တော့မှ မသေ. . .။ ။

လင်းခါး
၈-၃-၂၀၁၄

ကလေးအကြောင်း သိကောင်းစရာ

ငါ ဒီမှာရယ်နေတဲ့အချိန်။ သူတို့က ငိုနေရမှာပဲ။ အဲဒီလိုနဲ့ ငါမရယ်တော့ဘူး။
အမြောက်ဆံကြောင့် ဖွာခနဲ မြေစတွေ လွင့်လာတယ်။ မျက်ခွံ့ပိတ်ချိန်တောင်မရလိုက်
ဝမ်းနည်းစရာတွေ မျက်လုံးထဲ ၀င်လာ။ မျက်လုံးထဲ ၀င်လာတဲ့ ၀မ်းနည်းစရာတွေကြောင့် မျက်လုံးထဲကနေ မျက်ရည်တွေထွက်လာ။
ကလေးတွေဟာ မြေကြီးပေါ်မှာ မျဉ်းကြောင်းကလေးတွေခြစ် စည်းကလေးတွေ တားပြီး ဆော့ကစားဖို့ပါ တုတ်ချောင်းလေးတွေ ကိုင်လာတယ်။ မြေပြန့်ပေါ် အိမ်ရှေ့ မြေကွက်လပ်ကလေးပေါ်ကနေ အိမ်ပေါ်အထိ ဘူဒိုဇာဖြတ်မောင်းသွားတော့ အံ့သြစရာ ဘယ်လိုကားကြီးလဲ။ ဘီးအကြီးကြီးတွေ။ အဲဒီ ဘီးအကြီးကြီးတွေဟာ သူတို့ဘ၀ သေးသေးလေးတွေကို ဖြတ်မောင်းသွားမှာ မသိတော့ ကလေးတွေဟာ ကားကြီးကို ပြုံးလို့ ကြည့်နေတာပဲ။ တောထဲမှာတော့ ဒါမျိုးမရှိပါဘူး။ ဆူးကိုင်းလေးတွေတော့ ရှိပါတယ်။ ပုရွတ်ဆိတ်ကလေးတွေ ရှိပါတယ်။ သေနတ်သံတွေရှိပါတယ်။ ပျော်စရာမဟုတ်မှန်း သိလာတဲ့ ကလေးတွေဟာ ကြာတေ့ အဖေက လှန့်လည်း ငို၊ အမေက လန့်နေလည်း ငို။ အမတွေ မပျော်တော့လည်း ငို။ ဘယ်လိုငိုငို ဒီလိုအဖြစ်ဆိုးမျိုးကို မကျော်နိုင်ပါ။ ကလေးတွေဟာ စိတ်အနာနဲ့ ကြီးပြင်းလာခဲ့ကြ။ သူပုန်ဖြစ်မလား၊ ဘိန်းစားဖြစ်မလား။ ဘာဖြစ်ဖြစ် စစ်ကတော့ ဖြစ်နေမှာပဲ။ မနက်ခင်း မလင်းခင် ခွေးတွေကလည်း ဟောင်။ နိုင်ငံခြားဇာတ်လမ်းတစ်ခုထဲမှာ တောခွေးတွေဟာ သူတို့အရပ်ထက် နိမ့်ရင် ၀င်ကိုက်ဆွဲတယ်ဆိုလို့ ကလေးလေးဟာ သစ်သားချောင်းလေးကို ခေါင်းပေါ်မှာ ထောင်ထားတယ်။ ဒီကလေးတွေကတော့ ဘာမှမထောင်ဘူး။ ခွေးတွေကို ပြန်စတယ်။ သမီးဖေကြီး လမ်းမလျှောက်နိုင်လို့ပါ။ သား ထမင်းမစားရသေးလို့ပါ။ သား ဗိုက်အရမ်းစားလို့ပါ။ ဦး ညီမလေးက ဗိုက်ဆာလို့တဲ့။ အနာဂတ် စုတ်တီးစုတ်ပြတ် အကျီင်္ စုတ်တီးစုတ်ပြတ် မျက်ခွက်တွေက ကျက်သရေမဲ့ ကလေးတွေ ကလေးတွေ ကလေးတွေ ကလေးအဖေ သူတောင်းစား ကလေးအမေ သူတောင်းစားမှ ဆင်းသက်လာတဲ့ ကလေးတွေသူတောင်းစားတွေ။ မှတ်မိတဲ့ သီချင်းစာသားက ဒီလိုပါ။ စားချိန်မှာ ၀င်စားမယ် အိပ်ချိန်မှာ ၀င်အိပ်မယ် အပူအပင်ကင်းတဲ့ ကလေးလေးဘ၀ကို တစ်ခါပြန်ပြီး ရချင်သေးတယ်တဲ့။ ဒီကလေးတွေ ဘ၀ကို တစ်ခါပြန်ပြီး ရချင်တာလား။ နာရင်းဖြတ်အရိုက်ခံရတဲ့ စားပွဲထိုး ကလေးဘ၀ကို ပြန်ရချင်တာလား။ အော်ငေါက်အထုတ်ခံရတဲ့ ပလတ်စတစ်ကောက် ကလေးဘ၀ကို ပြန်ရချင်တာလား။ ကံ ကံ၏ အကျိုးပေါ့ကွာ။ ၀ဋ်ပေါ့ကွာ။ မိဘတွေ အသုံးမကျတာပေါ့ကွာ။ ကလေးတွေ ပြန်ပြောပြပေးပါ့မယ်။ ကလေး ဘာမှ စိတ်မကောင်းမဖြစ်နဲ့။ ကံ ကံ အကျိုးပေါ့ ကလေးရယ်။ ၀ဋ်ရှိလို့ ခံရတယ်ပဲ သဘောထားပေါ့ ကလေးရယ်။ မင်းမိဘတွေမှ သောက်သုံးမကျတာပဲ ကလေးရယ်။ မြန်မာနိုင်ငံကလေးများနေ့မှာ လိုက်ပြောကြပါ့မယ်။ ကလေးတိုက်ပွဲ ဆင်နွှဲတာပေါ့။ ပြသနာတစ်ခု ဖြေရှင်းတာပေါ့။ အကောင်းဆုံး နည်းလမ်းကိုတွေးတာပေါ့။ အဲဒီလိုနဲ့ မရယ်ရတာတွေကို ဟာသ လာလာမလုပ်ဖို့နဲ့။ မရယ်ရတာတွေ အသံထွက်ပြီး လုပ်မရယ်ဖို့ ကလေးတွေက ပြနေတာပဲ။ ကလေးတွေက ပို့ချနေတာပဲ။ ကလေးတွေက သယ်ဆောင်လာတာပဲ။ ကလေးတွေက ထင်ရှားနေတာပဲ။ ကလေးတွေက ငိုပြနေတာပဲ။ ကလေးတွေက တကယ့်ဘ၀ကို ဖြတ်သန်းပြနေကြတာပဲ။

***အတိတ်ကြီးထဲ ဖြစ်ခဲ့တာလေးတွေ***

***အတိတ်ကြီးထဲ ဖြစ်ခဲ့တာလေးတွေ***

ငှက်ကလေးတွေ ပျံနေတာမြင်တော့
ငါတို့ ပျော်ခဲ့တာတွေကလည်း
ဒီလိုပါပဲ ငှက်ကလေးတွေ ပျံသလိုပေါ့
နှင်းမြူတွေထဲ မှုန်ဝါးနေတာ မြင်ရတော့လည်း
ငါတို့ ပျော်ခဲ့တာတွေလိုပေါ့
မှုန် ပြာ ရီ မှိုင်း ဝေ
ဝေး ခဲ့ ပါ ပြီ လေ ။
မှုန် ပြာ ရီ မှိုင်း ဝေ ထဲ
ငှက် က လေး တွေ လို
တို့
ပျံ ခဲ့ ပါ တယ် လေ ။ ။

လင်းခါး

လွန်ခဲ့သော တနင်္လာတစ်ရက်မှ တစ်ရက်ထဲမပြီးပြတ်နိုင်သောကိစ္စ

လွန်ခဲ့သော တနင်္လာတစ်ရက်မှ
တစ်ရက်ထဲမပြီးပြတ်နိုင်သောကိစ္စ
---------------------------
သွေးထွက်အောင် မှန်တာလည်း ရှိခဲ့ပြီ
တချို့ ဦးနှောက်ပါထွက်တယ်
ဒုက္ခသည်စခန်းလည်း ရှိခဲ့ပြီ
ဒုက္ခသည်စခန်းနဲ့ အလိုက်ဖက်ဆုံး
ဒုက္ခသည်ဆိုတာတွေလည်း
အမှန်တကယ်ပင် တည်ရှိခဲ့လေပြီ။

တောတွင်းနေရာအနှံ့တွက်
အုပ်စုလိုက်ရွေ့လျား ဒုက္ခ ပရိဒေဝ သောက
စာမတတ်သော လူငယ် လူလတ် လူကြီးများမှ
ဘေးအန္တရာယ်မှ လွတ်ကင်းရန်
စာမတတ် အာဟာရချို့တဲ့ ကလေးငယ်များအား
ထိန်းကြောင်းကာကွယ်။

ကလေးငယ်များ၏ ပါးပြင်သည် မည်းညစ်
ထိုပါးသည်
ဆူး ငြိခဲ့ဖူး ကိုင်း ရိုက်မိဖူး
ပါးပြင်နှင့် မအပ်စပ်သည်များနှင့်
အကြိမ်ကြိမ် အပ်စပ်ခဲ့ဖူးသည်။
ဒါတွေလည်း ရှိခဲ့ပါပြီ။

ရွာငယ်များ ရွေ့လျားရခြင်းသည်
သဘာဝဘေးဒဏ်နှင့် မဆိုင်
နှစ်ဖက်စစ်တပ် ပစ်ခတ်မှုကြား
ခွေးနှစ်ကောင်ကြားမှ အမဲရိုးနှယ်
ပေရေစုတ်ပြတ် ရုပ်ပျက်လှသည်။
ဒီလိုလည်း အစီရင်ခံစာ၍ ပါခဲ့ပြီ။

ဘိန်းစိုက်ခင်းကြားက လူငယ်
ဘိန်းစားအပြင် တိုင်းရင်းသားခေါင်းဆောင် မဖြစ်နိုင်
ဘိန်းပင်အောက်က
ဘိန်းဆီ ဘိန်းသွေး ဘိန်းညစ်ထပ်ထပ်နို့ပျဉ်းအား ညစ်ချသော်
ဘိန်းသွေးပါသော ဘိန်းစားလေးသာ ကျေးဇူးခံရ၏။
၎င်းအကြောင်း အခက်ဖြာသော
ဘိန်းဟာ ဘယ်နေရာကောင်းလို့လဲ။
ဤသဟာလည်း မျက်မြင်သဘော စောကြောရှိခဲ့လေပြီ။

ဒါကို မင်းတို့က
လက်မှတ်ကလေးထိုးဖို့ ခက်နေတယ်။ ။

လင်းခါး
၂၀-၁၁-၂၀၁၃

***မိုးဖွဲဖွဲရွာခြင်း***

***မိုးဖွဲဖွဲရွာခြင်း***

သူ့ကို လှမ်းမြင်လိုက်တော့
သူက ထွက်သွားပြီ
ဒါနဲ့ သူနဲ့ ပျော်မိတာတွေ
ရခဲလှတဲ့ လူ့ဘဝထဲက အချိန်တချို့ကို
သူနဲ့ ဖြတ်သန်းခဲ့မိတာတွေဟာ
လေဆာပရင်တာထဲက စာရွက်တွေ
ထွက်လာသလိုပါပဲ
မြင်ယောင်မိသွားပါလေရော။
တစ်ရက်ကဆို
မြို့ထဲက အပြန်
သူရဲ့ ပေါက်ကွဲမှုဟာ ကိုယ့်အပေါ်သတ္တုကျခဲ့တာတွေ
တစ်ဖက်သတ်ဖြတ်ရိုက် အနိုင်ကျင့်ခံခဲ့ရတာတွေ
ကိုယ့်သိပ်ကြိုက်တဲ့ ကာကီရောင်ဘောင်းဘီလေး
သူ့ကြောင့် စုတ်ပြဲခဲ့ရတာတွေ
အတူတူ ဝမ်းနည်းကြတာချင်း
ကိုယ်က နှစ်သိမ့်ခဲ့ရတာတွေ
စတာတွေပေါ့လေ
သူ ဟာ တဇွတ်ထိုးပဲ
သူ ဟာ အပေအတေပဲ
ဒီလို အတွေးဝင်မိတယ် ထင်ပါတယ်
ဒါနဲ့
သြော် ဒါတွေတောင် အတော်ကြာခဲ့ပါပြီကော
သြော် ဒါတွေတောင် ကျော်လွန်ခဲ့ပါပြီကော လို့
နားထင်သွေးကြောအထိ
အတိဒုက္ခအလွမ်းဟာ သွေးလျှောက်နေမိ
ဇီဝဓာတ်နည်းသည်အထိ တွေဝေမိ
ဘာလို့ အဖြစ်အပျက်တွေဟာ
ထားခဲ့တာသိပ်မြန်နေရသလဲ
သစ္စာတရားအပါး ရှေ့ရှုမိမလိုနဲ့
မောဟအလေလိုက်မိ။
သူ့ကို လှမ်းမြင်လိုက်ပါတယ်
ဒါပေမယ့်
သူဟုတ်ရဲ့လား နောက်တစ်ကြိမ်ကြည့်တဲ့အခါ
သူ မရှိတော့ပါဘူး
နောက်တစ်ကြိမ် ကိုယ်ကြည့်တဲ့အခါ
အဲဒီနေရာမှာ သူဘာလို့ ရပ်မနေဘဲ
ဆက်ထွက်သွားရတာလဲကွယ်။ ။

လင်းခါး

ပြီးတာတွေလည်း ပြီးပါစေတော့

ပြီးတာတွေလည်း ပြီးပါစေတော့
! ! ! ! ! ! ! ! ! ! ! ! ! ! ! ! ! ! ! !
သွေးနဲ့ ရင်းခဲ့
ချွေးနဲ့ တည်ခဲ့
တရားသဘောနဲ့ မဖြေဆည်နိုင်တော့
ဒီပင်လယ်ကို
ဒီလက်နဲ့ ဒီလိုကူးခတ်ခဲ့တာပဲ
ဟိုမှာဘက်
လောကနိဗ္ဗာန်လည်းမဟုတ်
ဆေးသားအကြည် ပီတိမြေလည်းမဟုတ်
မီးလောင်ပြင်ပေါ်က
မုဆိုးမထဘီစုတ်လို ညစ်နွမ်းတဲ့
အလိုဆန္ဒ
အညှာလို ကြွေရစေသား
ပြာလို ခြွေရစေသား။ ။

လင်းခါး
22-11-2013

အားလုံးပျော်ဖို့ပါ

အားလုံးပျော်ဖို့ပါ
--------------------

အားလုံးပျော်ဖို့ စတားလုံးကိုခေါ်ထားပါတယ်

ဆင်လိမ္မာလေး စတားလုံး

မျောက်လွှဲကျော် စတားလုံး

ခွေးအမွှေးပွလေး စတားလုံး

စက်ဘီးစီးပြမယ်

ကျွမ်းထိုးပြမယ်

တိုင်ကီလှိမ့် လမ်းလျှောက်ပြမယ်။

စတားလုံးဟာ အများသုံးပါ

အားလုံးပျော်ဖို့ ပြဒါးလုံးမလို

စတားလုံးနဲ့တင် ပြီးပါတယ်။

ခွေးကလေးစတားလုံးဟာ

စတားလုံးလို ကြွက်သားတွေညှစ်ပြ

မျောက်ကလေးစတားလုံးဟာ

စတားလုံးလို ထိုးဟန်ကြိတ်ဟန်

ဆင်ကလေးစတားလုံးကတော့

စတားလုံးစတိုင်ထုတ်ပြပါတယ်။

အားလုံး အားလုံး ပျော်ကြပါတယ်

စတားလုံးရယ် အားလုံးပျော်ကြတယ်

ဒါပေမယ့်

စတားလုံးရော ပျော်ရဲ့လား။ ။

လင်းခါး
၂၃ ၁၁ ၂၀၁၃