လှံဖျား ပုစဉ်းနားနေလား

***လှံဖျား ပုစဉ်းနားနေလား***

ကျနော်တို့မှာ
ထစ်ခနဲဆို မေတ္တာသုတ်ရွတ်ရပါတယ်
အထိတ်တလန့် တရားနာရပါတယ်
သေရေးရှင်ရေး ကဗျာရေးရပါတယ်
မြုံးထဲကငါးလို စိတ်ကူးယဉ်ရပါတယ်
တီဗွီမှာလာတဲ့ ကြော်ငြာတွေလိုမျိုး
အားလုံးကောင်းပါတယ်ကလွဲ
ပြောစရာမရှိကြပါဘူး။
ဒီလို နိမိတ်ပုံတပြွတ်ကြီးနဲ့ကဗျာတွေ ရေးကြပါတယ်။
တကယ့်အရသာက
ဗျည်းမှာလည်းမရှိ သရမှာလည်း မဟုတ်
ခွေးကတတ်ပေါ်က ပါးရာတွေမှာလည်းမဟုတ်
ခင်ဗျားအခုခန့်မှန်းနေတဲ့ လျှာပေါ်မှာလည်းမဟုတ်
အရသာဟာ အရသာမှာပဲရှိလို့
လူ့ဘဝအရသာဆိုတာလည်း မသိကြပါဘူး။
မီးခြစ်ဘူးခွံလောက်အိမ်မှာ
ကျနော်တို့ နေကြပါတယ်
မီးခြစ်ဆံခေါင်းလောက် အသားတုံးတောင်
မမြင်ဖူးပါဘူး။
ကျနော်တို့ရဲ့ ဆောင်ပုဒ်က
"ကောင်းကင်တမွတ် ကြယ်ကိုစွတ်မယ်" ဖြစ်ပါတယ်။

လင်းခါး
11-11-2013

ကဗျာကောင်

*** ကဗျာကောင် ***

အောင်မြင်တဲ့ တစ်နေ့မှာ ပြန်လာမယ်တဲ့
အဲဒီလို ပြောပြီး
အန္တာတိကတိုက်မှာ ရွှေသွားရှာသလား
အာဖရိကမှာ စိန်သွားရှာသလား
အာရပ်ကမ္ဘာက ရေနံတွေသွားတူးသလား
မှတ်တယ်
ဒီကောင် ကဗျာတွေ ရေးနေသတဲ့
ကဗျာတွေ ရေးနေသတဲ့ဗျား
တစ်နေ့တော့
ကဗျာဟာ လက်ဝတ်ရတနာတွေနေရာမှာ
အစားဝင်သွားမတဲ့
ကဗျာကနေ စွမ်းအင်ထုတ်ရမတဲ့
ဒီကောင်
အောင်မြင်တဲ့တစ်နေ့ ပြန်လာမယ်တဲ့။ ။

လင်းခါး

အဘိဓမ္မာပြဿနာ

အဘိဓမ္မာပြဿနာ
-----------------------------------

ဇက်ကြောတက်ခြင်း မူးဝေခြင်း ခေါင်းကိုက်ခြင်း
အဲဒါ ကဗျာဖတ်ရင် ပျောက်မလားလို့
အဲဒါ ကဗျာကု ကုကြည့်မလို့
စိတ်မကြည်လင် အသားအရေခြောက်သွေ့
သွေးသားမသန့်စင်
အဲဒါ ကဗျာဓာတ်လှုံကြည့်မလို့
အဲဒါ ကဗျာနဲ့ပေးတွေ့ကြည့်မလို့
အဲဒါနဲ့ လမ်းထိပ်ကိုထွက်ခဲ့
အဲဒါနဲ့ ကားပေါ်တက်ခဲ့
အဲဒါနဲ့ ကဗျာဆီသွားခဲ့ပါတယ်။
ကဗျာ ကဗျာ ကဗျာ ကဗျာ
ကဗျာဆိုတဲ့ ငနဲ/မ
ဆုံလည်ကုလားထိုင်လို နှဲ့ထိုင်လို့မရ
ခြေညှပ်ဖိနပ်လို ကောက်စွပ်လို့မရ
စဉ်းနှီတုန်းလို ခံခုတ်လို့မရ
လွှစာမှုန့်လို မီးမွှေးမရ။
ဒင်းက မယားငယ်လို မချွဲပစ်
ဒင်းက အစိုးရလို ဗလောင်းဗလဲမလုပ်
ဒင်းက ပညာမဲ့လို မပြုမူ
ဒင်းက အကြောတင်းလေသတတ်။
ကဗျာ ကဗျာ ကဗျာ ကဗျာ
ဘာရောဂါမှ မပျောက်
ဘာဓာတ်မှ မပြု
ဘာသုခံ ဘာဒုက္ခံမှ မထွန်းပ။
ကဗျာ ကဗျာ ကဗျာ ကဗျာ
သစ္စာတရားကိုသာ မေတ္တာပွားစေသတည်း။ ။

လင်းခါး

အပျော်ဆိုတာရယ်(၃)

အပျော်ဆိုတာရယ်(၃)

စက္ကန့်တိုင်းမှာ လူတွေသေပေမယ့်
နှစ်တစ်ထောင်မှာ တစ်ယောက် အကျွတ်တရားမရ။

လူညံ့များ ထွန်းကားရာ ကမ္ဘာ
လူညံ့များ မွေ့လျော်ရာ ကမ္ဘာ။

သံသရာတစ်ကြော မျောရင်းလေ
ဒီကမ္ဘာကို
ရောက်လေရာကမ္ဘာ
ရောက်လေရောဘဝက
စာလှမ်းလှမ်းထည့်ပါမယ်
သို့/
ချစ်လှစွာသော ကမ္ဘာကြီးခင်ဗျား
ကျနော် ခင်ဗျားဆီမှာ ပျော်ခဲ့ရပါတယ်။ ။

လင်းခါး

ဟိုဘက်အိမ်က မိနီ

ဟိုဘက်အိမ်က မိနီ
-----------------------------

ဟိုဘက်အိမ်က မိနီကို
ဒီဘက်အိမ်က ကဗျာဆရာ ချောင်းနေတယ်
ဟိုဘက်အိမ်က မိနီ
ညဘက် အပြင်ထွက်ထွက်သွားတယ်
ညဘက် သီချင်းသွားသွားဆိုတယ်
ဟိုဘက်အိမ်က မိနီ
ညဥ့်သိပ်နက်မှ ပြန်လာတယ်
တစ်ချို့ညတွေ ပြန်မလာဘူး။
သြော် ဟိုဘက်အိမ်က မိနီ
သနားစရာ
ပန်းကုံးတွေကြား သနားစရာ
ဘီယာအမြုပ်တွေကြား သနားစရာ
တေးသွားတွေကြား သနားစရာ
စင်ပေါ်က သနားစရာ။
ကဗျာဆရာဟာ
သိပ်ဇာတ်နာ သိပ်ကြေကွဲရ
သိပ်ကောင်းတဲ့ ကဗျာတစ်ပုဒ်
မျှော်လင့်ခြင်း ထမင်းသိုးများ လို
အာရှတိုက်ရဲ့ တစ်နေရာ လို
ဘတ်စကားပေါ်မှာ လို
money လို
နှစ်ငါးဆယ် လို
ဘိုဟီးမီးယန်းများ လို
မထည့်ဖြစ်တဲ့စာ လိုပေါ့
သိပ်လှတဲ့ ကဗျာဖြစ်မလားလို့
ဒီဘက်အိမ်က ကဗျာဆရာဟာ
ဟိုဘက်အိမ်က မိနီဆီက
အဲဒီလိုကဗျာတစ်ပုဒ်ရမလားလို့ ချောင်းနေတယ်။
ဒီလိုနဲ့
ဟိုဘက်အိမ်က မိနီဟာ
ညဘက်ထွက်ထွက်သွားနေမြဲ
ကဗျာဆရာက
ဟိုဘက်အိမ်က မိနီကို ချောင်းနေမြဲ
ဒီလိုနဲ့ နှစ်ပေါင်းများစွာ
ဟိုဘက်အိမ်က မိနီပေါင်းများစွာဟာ
ညဘက်ထွက်ထွက်သွားနေမြဲ
ဒီဘက်အိမ်က ကဗျာဆရာတွေကလည်း
ချောင်းမြောင်းဂရုဏာသက် ဆက်နေမြဲ
ဒီလိုနဲ့ နှစ်ငါးဆယ်
ပိုနေမြဲ ကျားနေမြဲ။ ။

လင်းခါး
5-11-2013

ကာရန်

*** ကာရန် ***

ရန်လိုဟာ ရန်လိုတော့ ရန်ရှာ
ရန်လို ဆဲဆိုနေပြန်ပြီ
ရန်လို ထိကပါး ရိကပါးနေပြန်ပြီ
ရန်လို ခြိမ်းခြောက်နေပြန်ပါပြီ
ရန်လိုနဲ့ ခက်တယ်
ရန်လိုဟာ
မိတ်ဆွေမရှိ ရန်သူသာရှိ
ရန်လို့အတွက်တော့
ရန်သူရဲ့ ရန်သူဟာလည်း ရန်သူပဲ
ရန်လိုရဲ့ အိတ်ထဲမှာ
သေစေနိုင်တဲ့လက်နက် အမြဲပါတယ်
ရန်လိုတဲ့ စိတ်ထဲမှာ
အငြိုးအတေးတွေ အမြဲပါတယ်
ရန်လိုရဲ့ ပါးစပ်က
ဖရုဿဝါစာပဲ ထွက်မယ်
ဒီလိုဆိုတော့
ရန်လိုကိုယ်တိုင်ကသည်ပင်လျှင် ရန်လိုနေပါတယ်
ရန်လိုတော့ ရန်ရှာပါတယ်
ရန်ရှာတော့ ရန်တွေ့ပါတယ်
ရန်တွေ့တော့ ရန်လုပ်ပါတယ်
ရန်လုပ်တော့ ရန်ဖြစ်ပါတယ်
ရန်ဖြစ်တော့ ရန်မီးပွားပါတယ်
ရန်မီးပွားရတော့
ရန်လို ရန်မအေးတော့ပါဘူး။
ဒါပေမယ့်
ရန်လိုအတွက်တော့ ဘာမှမလိုပါဘူး
ရန်ပဲလိုပါတယ်
ဒါဆို ပြီးပြီပေါ့။ ။

လင်းခါး

လူရွှင်တော် ဈေးကွက်ပျက်ပြီးနောက်

*** လူရွှင်တော် ဈေးကွက်ပျက်ပြီးနောက် ***

ချာလီချက်ပလင်နှောင်းပိုင်းကာလမှာ
ချာလီချက်ပလင်ကို လွမ်းရတော့
ဂျင်မ်ကာရေးနဲ့ ကျားကန်ထားရတယ်။
မစ္စတာဘီးနဲ့ စိတ်ဖြေရတယ်
မစ္စတာဘီးလည်း ကွယ်လွန်ရှာ
ဂျင်မ်ကာရေးလည်း ကျဲသွားတဲ့နောက်
ငယ်ငယ်က တွမ်အင်ဂျယ်ရီ
တစ်ခါတလေ မီနီယမ်လေးတွေနဲ့ပေါ့။

လူဟာ အာဟာရနဲ့တင် မပြီး
ဟာသလည်း စွက်ရပါတယ်
နေပျော်ဖို့ ပျော်ပျော်နေဖို့
ကမ္ဘာကြီးနဲ့ ထပ်မံအားဖြည့်ရပါတယ်။

ဒါပေမယ့် နောက်ပိုင်းမှာ
လူရွှင်တော်တွေများများလာလို့
စင်မလောက်တော့ပါဘူး
လူရွှင်တော်တွေဟာ
ဇာတ်မှာ အငြိမ့်မှာ ရုပ်ရှင်ဗွီဒီယိုတွေမှာ
ငါးတန်းနဲ့ပြိုင် ဘယ်သူနိုင်မှာ
မိနစ်တူ ဝင်းနင်းမှာ
ဟာသ စကားဝိုင်းတွေမှာ စသည်ဖြင့်
လူရွှင်တော်တွေဟာ ခွေးလှေးပျား တောနှံ့ဖြစ်လာရပါတယ်
(ခေတ်က တောင်းဆိုသကိုး)
ဒါပေမယ့် မရသေးပါဘူး
ဒီထက် ကျယ်ကျယ်ပြန့်ပြန့်
စိန်ခေါ်မှုတွေဟာ
လူရွှင်တော်အသိုက်အဝန်းကို ထိုးနှက်နေပါတယ်။
လူရွှင်တော်တွေဟာ တပ်ဖြန့်လာကြပါတယ်
အခုဆိုရင်
တိုင်းဒေသကြီး လွှတ်တော်တွေမှာ
ဓာတ်အားဖြန့်ဖြူးရေးဥက္ကဌနေရာတွေမှာ
ဝန်ကြီးချုပ် ဝန်ကြီးများနေရာတွေမှာ
ကော်မတီတွေမှာ
အစိုးရအဖွဲ့များမှာပါမကျန်
ပက်ပက်စက်စက်
အောက်ပိုင်းလုံးတွေနဲ့
အောက်တန်းစားဆန်ဆန် ပြက်နေပါတော့တယ်။ ။

လင်းခါး