*** ကာရန် ***
ရန်လိုဟာ ရန်လိုတော့ ရန်ရှာ
ရန်လို ဆဲဆိုနေပြန်ပြီ
ရန်လို ထိကပါး ရိကပါးနေပြန်ပြီ
ရန်လို ခြိမ်းခြောက်နေပြန်ပါပြီ
ရန်လိုနဲ့ ခက်တယ်
ရန်လိုဟာ
မိတ်ဆွေမရှိ ရန်သူသာရှိ
ရန်လို့အတွက်တော့
ရန်သူရဲ့ ရန်သူဟာလည်း ရန်သူပဲ
ရန်လိုရဲ့ အိတ်ထဲမှာ
သေစေနိုင်တဲ့လက်နက် အမြဲပါတယ်
ရန်လိုတဲ့ စိတ်ထဲမှာ
အငြိုးအတေးတွေ အမြဲပါတယ်
ရန်လိုရဲ့ ပါးစပ်က
ဖရုဿဝါစာပဲ ထွက်မယ်
ဒီလိုဆိုတော့
ရန်လိုကိုယ်တိုင်ကသည်ပင်လျှင် ရန်လိုနေပါတယ်
ရန်လိုတော့ ရန်ရှာပါတယ်
ရန်ရှာတော့ ရန်တွေ့ပါတယ်
ရန်တွေ့တော့ ရန်လုပ်ပါတယ်
ရန်လုပ်တော့ ရန်ဖြစ်ပါတယ်
ရန်ဖြစ်တော့ ရန်မီးပွားပါတယ်
ရန်မီးပွားရတော့
ရန်လို ရန်မအေးတော့ပါဘူး။
ဒါပေမယ့်
ရန်လိုအတွက်တော့ ဘာမှမလိုပါဘူး
ရန်ပဲလိုပါတယ်
ဒါဆို ပြီးပြီပေါ့။ ။
လင်းခါး
No comments:
Post a Comment