***မာရ်နတ်ကိုယ်ထဲကို ဘုရားသခင် ဝင်သွားတာ မြင်လိုက်လား ***

***မာရ်နတ်ကိုယ်ထဲကို ဘုရားသခင် ဝင်သွားတာ မြင်လိုက်လား ***

ဒီမှာ ပူတင်
ဒီမှာ နည်းနည်း
ဒီမှာ ဟေ့ကောင်ရ
ဆီးရီးယားကို စစ်ရေးအရ ကျူးကျော်တိုက်ခိုက်တာဟာ
ယေဘုယျသဘောအရစစ်ကို လောင်စာပျိုးတာပဲတဲ့ မှန်တာပေါ့
ပူတင်က အော်တယ် စစ်ပွဲတွေရပ်တဲ့
တရားမဝင်အစိုးရ ပူတင်က စစ်ပွဲတွေ မကြိုက်ဘူးတဲ့
ကိုရီးယားကလေးလေးကျနေတာပဲ
စကားသိပ်တတ်တာပဲ ကိုပူတင်ရယ်။
တစ်ဖက်က
ဓါတုလက်နက်သုံးတိက်ခိုက်မှုကို မျက်ကွယ်ပြုလိုက်တာလည်း
ဖြစ်တယ်
ခင်ဗျား ဘယ်လို ဖုံးကွယ်ပါစေလေ
နိုင်ငံရေးဆိုတာ မျက်နှာပြောင်တိုက်နိုင်မှ
သိတာပေါ့
ဆီးရီးယားအပေါ် ခင်ဗျားအကျိုးစီးပွားက ဘာလဲ
အကျိုးစီးပွားသန္ဓေကလာတဲ့
ငြိမ်းချမ်းရေးရပ်ဝန်းက ရေရှည် မခံပါဘူး
ခင်ဗျားက
မီးလောင်ပြင်မှာ ပန်းစိုက်ပြနေတာပဲ
ခွေးဝမ်းသာမယ့် ဖာသယ်ပြုံး ပြုံးနေတာပဲ
ဒီမှာ ကိုပူတင်ရဲ့
အခြေခံဝါဒီတွေက သုံးသုံး
အာဆဒ်က သုံးသုံး
သေစေနိုင်တဲ့ အဆိပ်ဓါတ်ငွေ့လက်နက်က
သေစေနိုင်တဲ့ အဆိပ်ဓါတ်ငွေ့လက်နက်ပဲ။
စကားလုံး ကုလားဖန်ထိုးလို့ မရဘူး
ဆိတ်သားရေ ဝါကျခင်းနေလို့ မရဘူး
ခင်ဗျားပြောတယ်
ဆီးရီးယား စစ်ပွဲက ရလာတဲ့ အတွေ့အကြုံဆိုးတွေက
ကမ္ဘာကြီးကို ရောက်မလာနိုင်.ဘူးလားတဲ့။
ကမ္ဘာကြီးမှာ စစ်ပွဲဆိုတာက အကြိမ်ကြိမ်
ကမ္ဘာမှာ လူသတ်မှုတွေဆိုတာ အကြိမ်ကြိမ်
ကမ္ဘာမှာလေ
အဖေတိုက်ပွဲကျ
အမေ ဗုံးဆန်ထိ
သားလေး ဒုက္ခိတဆိုတာတွေကလည်း အကြိမ်ကြိမ်ပါ
ကမ္ဘာမှာ အရူးအနှမ်းအစိုးရဆိုတာလည်း မရေနိုင်တော့ပါ
ဂျော်ဂျီယာကို ဘယ်သူတိုက်တာတုန်း
အီရန်ကြက်တူရွေး ဘာကြောင့်စကားတတ်နေတာတုန်း
သူတော်ကောင်း ကိုပူတင်
ကိုပူတင် သူတော်ကောင်းပေါ့လေ
ဘုရားသခင်က အတူတူဖန်ဆင်းတယ်တဲ့လား
ခင်ဗျားကို ထာဝရသမ္မတအဖြစ်
ခင်ဗျားနိုင်ငံသားတွေကို အချုပ်ချယ်ခံအဖြစ်
ဘုရားသခင်က အတူတူဖန်ဆင်းလိုက်တယ်တဲ့လား
ကိုပူတင်
်ိမိန့်ခွန်းတွေခြွေဖို့ ဖုတ်ပူမီးတိုက်
ဒီမှာ ပူတင်
ကမ္ဘာကြီးမှာလေ
ခင်ဗျားလောက်တော့
လက်နက်စက်ရုံပိုင်ရှင်ကတောင် ပိုစစ်မုန်းဦးမယ်
ရယ်စရာ
ခင်ဗျားပါးစပ်ကထွက်တဲ့
ခင်ဗျားစကားကြီးကတော့ဖြင့်ဗျာ
ခင်ဗျားနဲ့ မလိုက်ဘူးဗျ ပူတင်ကြီးရ။ ။

လင်းခါး

** ဒီ မို က ရေ စီ ဒီ နိုင် ငံ ***

** ဒီ မို က ရေ စီ ဒီ နိုင် ငံ ***
====================

ဒီနိုင်ငံမှာ

အကျင့်ပျက်ခြစားမှုကို မုန်းတဲ့

အကျင့်ပျက်ခြစားသူတွေ

စည်းကမ်းမဲ့ အောက်တန်းစားဆန်မှုကို ရွံရှာတဲ့

စည်းကမ်းမဲ့ အောက်တန်းစားဆန်မှုတွေ။

ဒီနိုင်ငံမှာ

နိုင်လိုစိတ်ပြင်းတဲ့ အရှုံးသမားတွေ

ကြီးမြတ်လိုစိတ်ပြင်းပြလှတဲ့ နိမ့်ကျသူတွေ။

ဒီနိုင်ငံမှာ

ပညာတတ်ကို မုန်းတဲ့ ပညာမဲ့တွေနဲ့

ပညာမဲ့ကို နှိမ့်ချဆက်ဆံလိုတဲ့ ပညာတတ်တွေ။

ဒီနိုင်ငံမှာ

ခွဲခြားဆက်ဆံမှုကို မုန်းတဲ့ ခွဲခြားဆက်ဆံလိုသူတွေ။

ဒီနိုင်ငံမှာ

အကျိုးလိုလို့ ညောင်ရေလောင်းသူတွေကို မုန်းတဲ့

ထောင်မြင်ရာစွန့် သမားတွေ။

အမှန်တရားပြောတဲ့ပါးစပ်နဲ့ အမှားကျူးလွန်တဲ့လက်

တွဲရက်ပိုင်ဆိုင်သူတွေ။

ဒီနိုင်ငံဟာ

စနစ်ဇယားနဲ့ အဖြစ်မှားခဲ့

နည်းမှန်လမ်းမှန်နဲ့ အကျည်းတန်ခဲ့

ကြွေးကြော်သံတွေကလည်း ဘေးချော်ရန်ပဲဖြစ်ခဲ့တယ်။

ဆိုတော့ ဒီနိုင်ငံ

ဘုရင်ဇာတာနဲ့ ခွက်ဆွဲခဲ့ရ

စစ်သူကြီးဟန်နဲ့ ဒူးထောက်ခဲ့ရ

ဝန်ကြီးရုပ်နဲ့ ဖာအလုပ် လုပ်ခဲ့ရပါတယ်။

လင်းခါး
၂၀-၈-၂၀၁၃

သမိုင်းကို ဘယ်လိုရေးရမယ်

သမိုင်းကို ဘယ်လိုရေးရမယ်
ရေးတော့ရေးရမယ်ကွယ်
ကလေးတို့ရယ် သမိုင်းကိုတော့ ရေးရလိမ့်မယ်
အရိုင်းတေးကို နောက်မဆိုရအောင်
သမိုင်းလေးကို တော့ ရေးရမယ်။

သမိုင်းမှာ ကိုယ်က တံခါးစောင့်ပဲဖြစ်ဖြစ်
သမိုင်းမှာ ကိုယ်က ကဗျာဆရာပဲဖြစ်ဖြစ်
သမိုင်းကပေးလာတဲ့ တာဝန်ကို ထမ်းတယ်ဆိုတာ
သမိုင်းကို ရေးတာပဲ။

သမိုင်းကို မရေးရင်တော့
သမိုင်းက ကိုယ့်ကိုရေးလိမ့်မယ်

ကိုယ်က လုပ်ကြံသူလုပ်မှာလား
လူချွန်လူကောင်းကို လုပ်ကြံမှာလား
လူယုတ်မာ ဗာလကို သုတ်သင်လုပ်ကြံမှာလား
ကိုယ်က လုပ်ကြံချင်လောက်အောင် ရိုးဖြောင့်မှာလား
ကိုယ်က လုပ်ကြံချင်လောက်အောင် ယုတ်မာရိုင်းစိုင်းမှာလား

ဘယ်ဟာအမှန်လဲ မအဖို့ သမိုင်းကို ဖတ်ရတယ်
သမိုင်းမှာက ငုယင်ဗန်ထရွိင်းလို
ယုတ်မာသူကို လုပ်ကြံသူသူရဲကောင်းရှိသလိုပဲ
သမိုင်းမှာ
ယုတ်မာသူက လုပ်ကြံတာခံရတဲ့
ဗမာပြည်က ဗိုလ်ချုပ်အောင်ဆန်း အပါအဝင် အာဇာနည်ကိုးဦးရှိလေတယ်။

နှောင်းလူတွေဖတ်ဖို့ သမိုင်းကိုလည်း ရေးရမယ်။
သမိုင်းမှာ ကိုယ်ကဘယ်လိုပါဝင်မယ်
ကိုယ့်ဘာသာကိုယ်ရွေးချယ်
ကိုယ့်ဘာသာကိုယ်ရေးရမယ်။

ရေးတော့ရေးရမယ်
သမိုင်းကိုတော့ ရေးရမယ်။

ဥသြမဆွဲဘူးဆိုတော့
ငွေစက္ကူတွေမှာ အဖဗိုလ်ချုပ်ပုံ မပါဘူးဆိုတော့
တစ်ချိန်က ဗိုလ်ချုပ်ပုံလေးမှ မချိတ်ဆွဲရဘူးဆိုတော့
အဲဒီ အစိုးရ အာဏာရှင် ရဲ့ သမိုင်း

အာဏာရှင်ကို တော်လှန်ကြတယ်ဆိုတော့
တော်လှန်သူတွေရဲ့ သမိုင်း

တစ်ပါတီစနစ်ကို ဖြုတ်ချ ဆန္ဒပြတယ်ဆိုတော့
၈၈ ပြည်သူများရဲ့ သမိုင်း

၂၀၀၇ ရွှေဝါရောင်တော်လှန်ရေးဆိုတော့
သံဃာတော်နဲ့ဝန်းရံသူများရဲ့ သမိုင်း

တကသအဆောက်အဦဆိုတော့
မောင်းပြန်ကို ဒေါင်းအလံနဲ့ဆိုတော့
ကျောင်းနံရံတစ်ဝိုက် ဒေါင်းအလံစိုက်ဆိုတော့
ကျောင်းသားထု သမိုင်း

အရာရာဟာ သမိုင်းနဲ့
ဗေဒါဟာလည်း ဗေဒါသမိုင်း
ရွှေကြာကလည်း ရွှေကြာသမိုင်း
သမိုင်းမရှိရင် ခေတ်မရှိဘူး
ဆိုတော့ကွယ်
သမိုင်းကိုတော့ ရေးရမယ်။

အတင်းအဓမ္မတော့ ကွယ်
သမိုင်းကိုရေးဖို့မလွယ် ဒါပေမယ့်
သမိုင်းကိုတော့ မရေးမဖြစ်
ရေး ရ မ ယ် ။ ။

လင်းခါး
၁၆-၇-၂၀၁၃

ဧရာဝတီ ဒါနမြောက်အောင် ကာလပေါက်ဈေးနဲ့ လာသူတွေ တော်သင့်ပြီ

***** ဧရာဝတီ ဒါနမြောက်အောင် ကာလပေါက်ဈေးနဲ့ လာသူတွေ တော်သင့်ပြီ *****

ကိုယ့်ကိုယ်ကိုယ် ချစ်တတ်ရင်
ကမ္ဘာကြီးကို ချစ်တတ်တယ်
ကမ္ဘာကြီးအိမ်မှာနေပြီး
ကမ္ဘာကြီး မျက်နှာ ကြည့်ဖို့တော့ လိုပါတယ်။

တောအုပ်ကလေးကို
သီချင်းဖွဲ့တော့ / ကဗျာစပ်တော့
တောအုပ်ကလေးအလယ်က စမ်းချောင်းကလေးပါသလို
ကမ္ဘာကြီးကိုရေးစပ်တော့
ဧရာဝတီ ဂင်္ဂါ ဗော်လဂါ
နိုင်း မစ္စစ္စပီ ချန်ထားလို့မရ။

သူတော်စင်ရဲ့ အေးချမ်းမှုကို ဖွဲ့တော့
ကျောင်းသင်္ခမ်းကို ထည့်မစပ်လို့မရ
မြန်မာပြည်ကို တွေ့တဲ့အခါ
ဧရာဝတီဟာ အလျားလိုက်
တသွင်သွင် တငြိမ့်ငြိမ့်
စီးလာပေါ့
ဆင်းလာပေါ့
စီးဆင်းလာပါပေါ့လေ။
ဧရာဝတီ ဆီက ဆန်စပါးရတာတွေ
ဧရာဝတီ ဆီက အသားနှင့်ငါးရတာတွေ
ဧရာဝတီ ဆီက ယဉ်ကျေးမှုရတာတွေ
ဧရာဝတီ ဆီက ဇာတိပုည ဂုဏ်မာနတွေ
မဆိုတော့ပါလေ။
ဧရာဝတီဟာ ဦးခေါင်း
ဧရာဝတီဟာ ကိုယ်
ဧရာဝတီဟာ ခြေ လက်
ဧရာဝတီဟာ အချုပ်အခြာအာဏာပါပဲ။

ခေါင်းမရှိဘဲ ငါဘာတွေ တွေးခေါ်မလဲ
ဧရာဝတီမရှိဘဲ မင်း စဉ်းစားစရာများများမရှိပါ။

ခါးက ဖြတ်တယ် ခေါင်းကို ဖြတ်တယ်
ရင်ကိုခွဲတယ် နှုတ်ခမ်းသားတွေကိုက်တယ်
တော်ပါပြီ
ဧရာဝတီ ဆီက ရနေတာတွေ တော်ပါပြီ
တော်လောက်ပါပြီ
ဧရာဝတီ ဆီက ယူနေတာတွေ တော်လောက်ပါပြီ
တောင်းနေတယ်ဆိုလည်းရပ်တော့
ဓါးပြတိုက်နေတယ်ဆိုရင်တောင်
ဒီလောက်ဆို ကျေနပ်သင့်ပါပြီ။

သတင်းစကားပေးပါတယ်
ဒီမျှနဲ့ တော်သင့်ပြီ
မင်းတို့ တော်သင့်ပါပြီ။

တော် သင့် နေ ပြီ ကွ ။ ။

လင်းခါး

ဒီသီချင်းကို လူတိုင်းဆိုလို့ရပါတယ်တဲ့

ဒီသီချင်းကို လူတိုင်းဆိုလို့ရပါတယ်တဲ့
----------------------------------------
ရုရှားမှာ ကေတီဗွီဆိုင်ထဲဝင်တော့
အင်တာနေရှင်နယ် သီချင်းတော့ ငါဆိုလို့ရနိုင်တယ်လို့ တွေးမိတယ်
ဒါပေမယ့် အင်တာနေရှင်နယ်သာ ဆိုရတယ်
သူက ဘာသာစကားပေါင်းစုံကို တစ်ပိုဒ်စီလုပ်ထားတာမျိုးမှ မဟုတ်ဘဲ
ကေတီဗွီကလူကလည်း
အို .... ဆိုက်ဘေးရီးယားမှာ ဆို ဒီထက်ဆိုးတာပေါ့တဲ့
ဘာဆိုင်လို့လဲနော်
ဆိုက်ဘေးရီးယားလည်း ငါမသိပါဘူး
စာအုပ်ထဲမှာက ဆိုက်ဘေးရီးယားဆိုတဲ့ စကားလုံးကိုကြည့်ရုံနဲ့
အေးခဲလာတာမှ မဟုတ်တာ
ဘာသာစကားဟာ ဘာသာစကားပါပဲ
ကိုယ်စားပြုသလိုလိုနဲ့ ကိုယ်စားမပြုနိုင်ပါဘူး။
ရုရှားမှာ ကေတီဗွီဆိုင်က ရှိရဲ့လားတောင် မသိ
ရှိရင်တောင် ရုရှားက ကေတီဗွီလို့ ဘယ်ခေါ်မလဲ
ကာရာအိုကေဆိုတာ ဂျပန်စကားမဟုတ်လား။
ဒါနဲ့ ကေတီဗွီကလူက
အထပ်ထပ်ရှင်းပြပါတယ်
သူ့စကားက ရေခဲပေါ်ကလာတဲ့ လေတွေလိုပဲ
အေးတယ်
ကြမ်းရှတယ်
ဘာမှလည်း နားမလည်ဘူး
ဆိုတော့ လက်ဟန် ခြေဟန် ကိုယ်ဟန် ဘာသာစကားဟန်
ဘ၀ဟန် နိုင်ငံဟန် လူမျိုးဟန်တွေ ပါလာတော့တယ်။
ကြတော့ ရယ်ချင်စရာ ဖြစ်လာပါတယ်
ရယ်ချင်စရာ ဖြစ်လာရင် မနေပါဘူး ရယ်လိုက်ရတာပါပဲ
ကိုယ်ရယ်တော့ သူလိုက်ရယ်တယ်
သူရယ်တော့လည်း ကိုယ်ကရယ်ချင်ပြန်ရော
မငိုချင်ရင်တော့ ရယ်ရုံပဲလေ
ဒီထက်ပို ရုရှားမှာ ဘာမှ မလုပ်နိုင်ဘူး
ကိုယ်တို့ ရယ်ခဲ့ကြတယ်လေ ရုရှားမှာ ။ ။

လင်းခါး
၆-၉-၂၀၁၃

အထူးပြုလုပ်ထားရတဲ့ ရိုးရိုးတန်းများ

အထူးပြုလုပ်ထားရတဲ့ ရိုးရိုးတန်းများ
....................................

ဟန်ဆောင်ပြုံးပြလိုက်တယ်

ဟန်ဆောင်ပြုံးပြနေတာပဲလို့ ထင်သွားရင်အခက်

မှတ်မိနေတဲ့ ကာတွန်းလို

သားကောင်ရှာထွက်တယ်ဆိုပေမယ့်

တကယ်ရော တွေ့ချင်ရဲ့လား
(ခြင်္သေ့က ကိုယ့်ရှေ့မှာ)

ကြီးမြတ်မှုကို ငြင်းပယ်လိုက်ပါတယ်

ဆိုပေမယ့်

ကြီးမြတ်မှုကို ငါငြင်းပယ်လိုက်တာဟာ

ငါ မကြီးမြတ်လိုဘူးလို့

အတွေးမချော်စေချင်ဘူး

တောင့်တခဲ့ရတာတွေအတွက်

ကြောင့်ကြဗျာပွေများလှပါပြီလေ။ ။

လင်းခါး
31-8-2013

ဝမ်းနည်းခြင်း

*** ဝမ်းနည်းခြင်း ***

မုန်းသူတွေတော့ မသေ

ချစ်သူများကျတော့ ကြွေရတယ်

ဒီကမ္ဘာ နေချင်စရာ ဘာရှိသလဲ။ ။

လင်းခါး
ဆရာမောင်ဝံသ နောင်များဘဝမှာ ကောင်းကျိုးထမ်းသူပဲ ဖြစ်မှာပါ။

သိုးနေတာတွေ ဘယ်သူစားမလဲ

*** သိုးနေတာတွေ ဘယ်သူစားမလဲ ***

ဦးညွတ်သင့်တော့လည်း ညွတ်

ဦးခိုက်သင့်တော့လည်း ခိုက်

ဦးခေါင်းကို ရိုက်ခွဲသင့်တယ်ဆိုတော့လည်း

ရိုက်ခွဲလိုက်ရုံပေါ့

ကြယ်တွေကို ကြာကြာငေးမနေဘူး

အသီးရဖို့ ပင်စည်ကို

လှုပ်ခါမနေတော့ဘူး

ဒီမှာ လိပ်ပြာလေး

ဒီမှာ တိမ်တွေရယ် လှလိုက်တာ

ဒီမှာ လှိုက်စားနံဟောင်နေတဲ့ ပြည်ပုပ်တွေ

ပန်းချီကားထဲ ဘာပဲရေးထားထား

ကိုယ်အတ္တကိုယ် ပြန်မြင်နေရတာပဲ

ဘာတီးလုံးလာလာ

ဒီကိုယ်နဲ့ပဲ လှုပ်ခါ ကလိုက်တာ

ဂစ်တာနဲ့စန္ဒရားက ကြိုးတပ်တူရိယာ

ကဗျာနဲ့ တေးသီချင်းတွေက စာသား

ဒီမှာ တကယ့်ဘဝက

တကယ့် သံသရာဝဋ်ဆင်းရဲဒုက္ခကြီးနဲ့

တကယ် မြင်နေရတာပဲ

ဘာလို့

ရေလိုက်လွဲနေမလဲ

လာကြ

ခွေးတွေအူတာ နားထောင်ရအောင်။ ။

လင်းခါး
၂၂-၈-၂၀၁၃

တန်ဆောင်မုန်း ရီနေဆန့်

*** တန်ဆောင်မုန်း ရီနေဆန့် ***

အတိတ်ကို လွမ်းရတာ

သိပ်နက်တဲ့တောထဲ

သစ်ဥသစ်ဖုတူးရသလိုပဲ တဲ့

အဘိုးကြီးက ပြောတယ်

ဟေ့ ဟေ့ အဲဒီအဘိုးကြီးက

အဘိုးကြီးအားလုံးကို ကိုယ်စားမပြုဘူးကွ တဲ့

တကယ်တော့ အဘိုးကြီးတွေအတွက်

လူငယ်ဘဝဆိုတာ

မက်ပြီးသား အိပ်မက် ထပ်မက်ချင်နေတာပဲ တဲ့။

အဘိုးကြီးတွေက အသက်ကြီးပြီဆိုတော့

စကားလုံးကြွယ်ပါဘိသနဲ့

ဆင်ခြေကလည်း များများရယ်။

အဘိုးကြီးတွေက အသက်သာကြီးတယ်

နိမိတ်ပုံ အလန်းတွေနဲ့ရယ်။

လွယ်လွယ်နဲ့လက်မခံချင်တာလည်း

အဘိုးကြီးတွေ အကျင့်

အတ္တကြီးပုံကလည်း စည်းလွတ်ဝါးလွတ်ရယ်

သူတို့ ခေတ်ကမှ ရွှေခေတ်

သူတို့ အနုပညာမှပဲ အနုပညာတဲ့။ ဒါပေမယ့်ကွယ်

အဘိုးကြီးတွေကို ပစ်မထားလိုက်ပါနဲ့

အဘိုးကြီတွေကို နားလည်ပါ

အဘိုးကြီးတွေကို လေးစားပါ

အဘိုးကြီးတွေကို နှစ်သိမ့်ပါ

အဘိုးကြီးတွေကို တွဲခေါ်ပါ

အဘိုးကြီးတွေကို မတော်လှန်လိုက်ပါနဲ့ကွာ

အဘိုးကြီးများ ကိုယ်စား အဘိုးကြီးတစ်ယောက်

အဘိုးကြီးပြန်လည်ဆန်းသစ်ရေးအဆို

တင် သွင်း လိုက် ပါ တယ် ။ ။

လင်းခါး
၂၆-၈၂၀၁၃

ခွေးမောင်းသံ

*** ခွေးမောင်းသံ ****

ပန်းသဇင်တစ်ခက်

နမ်းချင်ရက်နဲ့ ဆွေး

အို

ကြမ်းပြင်ထက်က ခွေး။

ရေးသူ-လင်းခါး

*** အထိကရုဏ်း ထိကရုဏ်း ***

*** အထိကရုဏ်း ထိကရုဏ်း ***

သိသူတွေက တိတ်ဆိတ်နေတော့

သေချာမသိတဲ့ ငါတို့က လူမိုက်လုပ်နေရ။

အမြင်ရှင်းသူတွေက အဖက်မလုပ်တော့

ဝေဝေဝါးဝါးနဲ့ ငါတို့က ဝင်ဂန်ကျယ်နေရတယ်။

လိုအပ်တယ်ပဲ ထားပါတော့

ငါတို့လို လူတွေ

ိုလိုအပ်တယ်

သမိုင်းအမြင်အရတော့

သူရဲကောင်းများအတွက်

ကိုးစားသူ အညတရများလည်းရှိရ

တိုင်းပြည်အတွက် အသက်ပင်သေသေဆိုသူများအတွက်

ဘယ်သူ့သတ်ရ သတ်ရ ကိုငတေများလည်းရှိရ

လိုအပ်တယ်

ငါတို့ တကယ်ကို လိုအပ်တယ်

အဓမ္မက သနပ်ခါးလိမ်း ပန်းပန်လာတော့လည်း

ဓမ္မတရားက မျက်နှာအဆီပြန် ခေါင်းစုတ်ဖွားနဲ့

ထလာရတော့တာပါပဲ။ ။

လင်းခါး
၂-၉-၂၀၁၃

ဧရာဝတီကို မတော်မတရားလုပ်နေတာတွေလည်း ရပ်

မီးရှို့နေလည်း ရပ်

ဝါဒဖြန့်ချိနေလည်း ရပ်

ပြေးနေရတာ ခဏရပ်

လိုက်နေတဲ့လူတွေလည်း ရပ်

ချစ်ကြတယ်ဆိုလည်း နေပါဦး

သိပ်မုန်းတာပဲ ပြီးတော့ ဆက်မုန်းပါ အခုခဏ

ရပ် ရပ်

သစ်ခုတ်သူတွေ ဘုရားဒကာတွေ

ဘောလုံးသမားတွေ

မျိုးချစ်တွေ

ထွက်တော့မယ် သင်္ဘောတွေ

မိန့်ခွန်းပြောမှာတွေ ရပ်

ကဗျာရေးနေတာလည်း ရပ်

ဧရာဝတီတော့ ဆက်လက် စီးပါစေ။ ။

ဧရာဝတီ

ဧရာဝတီ

------------

သူ့သွေးတစ်စက်

ကိုယ့်သွေးတစ်စက်

အကုန်လုံးတစ်စက်

စီးပါလေ

အို အမိ ဧရာဝတီ ..........

အို သားတို့ ဧရာဝတီ .......

ယဉ်ကျေးမှုတွေ စီးဆင်းယူလာသည်

အို .... ဧရာဝတီ

ဒုက္ခတွေ တိုက်စားလို့ သယ်ကာအဝေး

အို ..... ကြီးမြတ်တဲ့ ဧရာဝတီ

အို ..... စီးဆင်းလျက် ရေပြာနဒီ

အို .... မရှိရင် ခက်မယ့်

သားတို့ရဲ့ ဧရာဝတီ ...... ။ ။