ကုန်ထမ်းသမားဟာ
ကုန်ပြန်ထမ်းဖို့ ဘူတာဆီ ဆိပ်ကမ်းဆီ။
အနှေးယာဉ်သမားများလည်း
နှေးကွေးစွာ သမုဒယလမ်းမှာ ဂိတ်ထိုး
ကျောင်းသားများ စာသင်ခန်းဝင်
အီကွေးရှင်းတွေ မြီရှင် လည်ပတ်မှုတွေ ကုန်ထုတ်စနစ်တွေ
ဖားရင်ကိုခွဲတာတွေ ဒက်ဖနေးရှင်းတွေ
ပြန်လည်ပတ်။
ပန်းသည်လေးတွေ ဒီနေ့ အရောင်းပါးသွားပြီ။
ပွဲတက်ဝတ်စုံတွေဟာ ဒိုဘီဆိုင်တွေမှာ
ခဝါသည်တွေဟာ ရိုက်နှက် လျှော်ဖွပ် လက်မအား။
စာရေးစာချီတွေက ဇယားအသစ်တွေထဲ
ကိန်းဂဏန်းအသစ်တွေထိုးထည့်။
ကဗျာဆရာတွေလည်း အနားရ
ခါတော်မှီ နောက်တစ်ပွဲအတွက် ခံစားမှုသွင်း
စာအုပ်စာတမ်းလှန် အချက်အလက်ပြန်ရှာ။
အထိမ်းအမှတ်အဆောက်အဦ ဟာ
ရင်ကွဲပက်လက် အထီးကျန်ဆန် ကျန်ခဲ့ရှာ။
သူရဲကောင်း အာဇာနည် ရုပ်တုတွေဟာ
ဘာမှ မဖြစ်ခဲ့သလိုပဲ ရပ်တန့် ငြိမ်သက်။
အဆောက်အဦစောင့် အဘိုးအိုဟာ
မျက်စိရှုပ်နားရှုပ်သက်သာ
တဝါးဝါးသမ်းဝေ။
ပန်းခွေတွေကတော့ နွမ်းသွားပြီ။
လူငယ်တွေဟာ
ပုံမှန်ဘဝထဲ ရွှင်မြူးစွာပဲ ပြန်ဝင်သွား
မျက်နှာသေတွေကို မေ့သွားပြီ။
ဒီနေ့ ဒီအချိန်အခါ ဒီနေရာ ဆိုတာတွေဟာ
အတိတ်
အခု ဒီနေ့ ဒီအချိန်အခါ ဒီနေရာတွေဟာ
ပစ္စပ္ပုန်
အတိတ်ပုခုံးပေါ်တက်ရပ်ရတဲ့ အနာဂတ်ဟာ
ဒီလို ဒီနေ့ ဒီအချိန်အခါ ဒီနေရာမှာ
ဒီအဖြစ်အပျက်တွေလာဦးမှာ
တကယ်ရလိုက်တာ ဘာတွေလဲ
အာရုံခံစားမှုလား
စိတ်ကူးစိတ်သန်းလား
သမိုင်းအမွေလား
လေ့လာမှီငြမ်းလား
ဓါတ်ကူးယူတာလား
ဝမ်းနည်းစရာ သက်သက်ပဲလား
သမုဒ္ဒရာများ ကြီးမားကျယ်ပြန့်ဆဲ
မဟာပထဝီ တည်ရှိဆဲ
လူသားအံ့ဖွယ်ဇာတ်လမ်းများဟာလည်း
လင်းခါး
၂၀-၇-၂၀၁၃
No comments:
Post a Comment