*** အာဇာနည်တိုင်း သမိုင်းမသေ ***
လူယုတ်မာ ဗီလိန်က
မင်းသား လာကယ်ရင် စိတ်ညစ်တယ်
မင်းသားဟာ သူ့အတွက် နတ်ဆိုး။
ဟစ်တလာကိုထောက်ခံသူ
ကော်ဖီဆိုင်ပိုင်ရှင်က
ဂျူးများ မဝင်ရတဲ့ ဆိုင်းဘုတ်ချိတ်ထားတယ်
အိုင်းစတိုင်း မဝင်ရ အာရင်ဘတ်မဝင်ရ ပေါ့လေ။
သူရဲကောင်း ရှိတယ် မဟာကယ်တင်မှုရှိတယ်
သမိုင်းဆိုတာ အပြုသဘောချည့် မလာဘူး
သူရဲကောင်း သေတယ်
မဟာကယ်တင်မှုရပ်တန့်တာလည်းရှိတယ်
ငါတို့က မျက်ရည်တွေနဲ့
တောင်းဆို
သူတို့က ပြက်ရယ်ပြု
ပယ်ချ
ဘာအရေးလဲ
ငါတို့က ကျေးဇူးတရားကို သိတယ်
သူတို့က ခွေးရူးနွားပမာ ပြုတယ်
ဘာအရေးလဲ
အာဇာနည်က အာဇာနည်ပဲ
သမိုင်းကို လူတွေကရေးတယ်
ကမ္ဘာစောင့်နတ်တွေက စောင့်ရှောက်တယ်
အာဇာနည်မျိုးတဲ့ဟေ့ သေရိုးမရှိ။ ။
လင်းခါး
အာဇာနည်နေ့ အထိမ်းအမှတ်
No comments:
Post a Comment