အမှားကျူးလွန်ထားတဲ့ လက်ကြီးကျွေးတာစား ထွားလာတဲ့ ပါးစပ်က အမှန်တရားတဲ့

ဂုဏ်သရေရှိ ကုတ်အင်္ကျီ/တိုက်ပုံအောက်က
အောက်တန်းစားကိုယ်လုံးကြီး
ဂုဏ်သရေရှိ ဦးထုပ်/ခေါင်းပေါင်းအောက်က
သိမ်ဖျင်း ဦးခေါင်းကြီး၊
ပြုံးထားတဲ့ မျက်နှာက ဘယ်လိုရွံစရာတွေ ဖုံးထားသလဲ
ကမ္ဘာကြီးက သိတယ်။

မြေစာပင်ဖြစ်တော့ ငါတို့
နှင်းဆီခိုင်ကျမှ မင်းတို့ဖြစ်ရ
တုတ်ဝေခံရတော့ ငါတို့
မုန့်ဝေခံရတော့မှ မင်းတို့ဖြစ်ရ။

ကိုယ့်မြေကိုယ် သေးနဲ့ပန်းခဲ့တာ မင်းတို့ပဲ
ကိုယ့်လေကိုယ် ယုတ်ညံ့စေခဲ့တာ မင်းတို့ပဲ
ကိုယ့်ပါးကိုယ်ရိုက်ပြီး
ကိုယ့်နားကို ကိုယ်ကိုက်၊
မင်းသမီး ပြန်ပေးဆွဲတာလည်း မင်းတို့
မင်းသမီး ပြန်ပေးရွေးခဲ့တာလည်း မင်းတို့ပဲ
ပြီးတော့ ၀င်းဦးလေသံနဲ့
`သိပ် အံ့ သြ သွား သ လား ကွာ ` တဲ့။

ဦးကျောက်လုံးလည်း မင်းတို့၊
ကောလိပ်ဂျင်လည်း မင်းတို့၊
ပဲပြုတ်သည် မထားဆိုလည်း မင်းတို့
ပန်းရောင်းရင်း ကျောင်းတတ်ရတာလည်း မင်းတို့
ပြီးတော့
ဟူးဂိုးချာဗက်ဆိုတော့လည်း မင်းတို့
ကဒါဖီဆိုတော့လည်း မင်းတို့
ဒီတော့
မင်းတို့ပဲ အော်စကာ
မင်းတို့ပဲ ဂိုးဒန်းကလုပ်
မင်းတို့ပဲ အကယ်ဒမီပေါ့။

မင်းတို့ အမှောင်ချခဲ့တယ်
ငါတို့ အမှောင်ကျခဲ့တယ်
ငါတို့ အမှောင်ကိုခွင်းတော့
မင်းတို့က အလင်းဆောင်ဆံ့ ဆိုပဲ။
မင်းတို့နောက်ဆွဲတွေက ငါတို့ချောက်ထဲကျဖို့ ဖြစ်ခဲ့
မင်းတို့ နွားတွေက ငါတို့ကိုက်ဖို့ကျ ကျားတွေဖြစ်ခဲ့
မင်းတို့သွားတွေက မင်းတို့ကို ပြန်ကိုက်ဖို့ကျတော့ ကျိုးခဲ့ပြီ။

အသားထဲက လောက်တွေပဲ
ကြားထဲက ခလောက်တွေပဲ
ဧည့်ခန်းမှာ ရွှေစင်ရုပ်နဲ့ ဘီလူးစုတ်
ကမ္ဘာကြီးက သိတယ်။

မင်းတို့ ညာဘက်လက်တွေက တစ်ဆုပ်ကြဲတိုင်း
ဘယ်ဘက်အိတ်ထဲ တစ်လှည်းဝင်ခဲ့တာ ......
မင်းတို့ ညောင်ရေလောင်းတိုင်း  .......
မင်းတို့ ရာစွန့်တိုင်း   .......
မင်းတို့ ဒီချုံထွင်တိုင်း .....
ကမ္ဘာကြီးက သိတယ်။

အခု မင်းတို့ရှေ့မှာ မိုက်ခွက်
နောက်မှာ ယပ် နဲ့
ဒီမိုကရေစီဆိုတာ မင်းတို့ ကိုယ်တိုင်ချိုးခဲ့တဲ့ ဖဲထုပ်ထဲက
ဖဲချပ်လေးတွေလိုပဲ
ငါတို့မှာ ပဒေသာလေးရဖို့ စီနေရတုန်း
မင်းတို့ကတော့
ဘာလာလာ ဒေါင်း တဲ့။
ဂျာအေးကို သူ့အမေရိုက်တိုင်း
မင်းတို့က
ပလ္လင်ပေါ်က မျောက်ကလေး လုပ်ပြနေတယ်ပေါ့။

မင်းတို့က ကျောင်းဒကာ
မင်းတို့က ဟီးရိုး
မင်းတို့က ဇီးရိုးတော့လည်း အဖြစ်မခံနိုင်။
အဆုံးသတ်မလှတဲ့ ဇာတ်လမ်းတွေတွေ့လေ
မင်းတို့က အဆုံးသတ်လှစေချင်လေလေ။

မင်းတို့ရလိုက်တာ ဘာတွေလဲ
ငါတို့ကြုံခဲ့ရတာက ခြောက်အိပ်မက်တွေပဲ
ငါတို့တွေ့ရဦးမှာက ကြောက်နေရတဲ့ မနက်တွေပဲ
ငါတို့ဖြတ်သန်းရဦးမှာက ပျောက်နေတဲ့ အနာဂါတ်တွေပါပဲ။

ဘယ်မှာလဲ ငါတို့သယံဇာတ
ဘယ်မှာလဲ ငါတို့ယဉ်ကျေးမှု
ဘယ်မှာလဲ ငါတို့ အမျိုး ဘာသာ သာသနာ
ကြိတ်ပြီးသား ကြံဖတ်တွေလို အရည်ခမ်းပေါ့
ညှစ်ပြီးသား သံပုရာသီးတွေလို တွန့်လိမ်ရှုံ့တွခဲ့ပေါ့။

အခုတော့
အမှားတွေ ပက်ပက်စက်စက်ကျူးလွန်ထားတဲ့
လက်ကြီးကျွေးတာစား ထွားကျိုင်းလာတဲ့
ဒီဂုဏ်သရေရှိ ပါးစပ်ကြီးကပဲ ဘုံပဟေဠိတွေနဲ့
ဥုံမခံ ရွတ်နေပြန်ပါပေါ့
ဘာတဲ့ ...........
အမှန်တရား ဆိုပဲ ။         ။

လင်းခါး
20-4-2013