ရန်မဖြစ်ပါနဲ့ အစားအစာပေးပါ
ဒေါသမဖြစ်ပါနဲ့
အရမ်းကြီး ဗိုက်ဆာလာအောင် ဒေါသမဖြစ်ပါနဲ့
အစာရေစာရှားပါးဘ၀မှာ
အစာမစားဘဲ ရန်လိုစိတ်ပဲ ကြေအောင်ဝါးနေရတယ်
အငြိုးအတေးလည်း မထားနဲ့
ကလေးတွေက သနားဖွယ် ငတ်နေကြပြီ
ပန်းနဲ့ပေါက် ခဲနဲ့ထု၊
ပေါင်မုန့်တွေ ကြေမွကုန်အောင် ဒုံးကျည်တွေလည်း မိုးလိုရွာ
ပေါင်မုန့်တွေ ရိရွဲကုန်အောင် တင့်ကားတွေလည်း ခရီးများနေ
ဂါဇာမှာလေ၊
........... မှာလေ၊
........... မှာလေ၊
........... မှာလေ၊
တိတ်ကြစမ်းပါ၊ ကလေးတွေ ငိုပဲငိုနေတော့တာပဲ၊
အလုပ်လုပ်ကြစမ်းပါ၊ လူကြီးတွေ ကလေးတွေလို သေနတ်ပစ်တမ်း
တူတူပုန်းတမ်း ခြေလတ်ပြတ်တမ်း သေတမ်းကြေတမ်း
အပစ်အခတ်ကိုရပ်ပါ၊ နို့မဟုတ်ရင် .........
လူသေတွေက ပေါင်မုန့်ကို မစားတော့ဘူး
လူသေတွေက ပျော်ရွှင်မှုကို သဘောမတွေ့ဘူး၊
ရှင်သန်နေရတော့ကော
ပေါင်မုန့်တွေဟာ ချိုသလား၊ ခါးသလား
ပေါင်မုန့်တွေဟာ ဘယ်ဆီဘယ်ဝယ်
ဒီခရီး နီးမှနီးရဲ့လား
ကလေးတွေဟာ ပေါင်မုန့်တွေကို
မြေပုံနဲ့ရှာရင်း၊ မြေပုံတွေဟာ ပျက်စီးရင်း
ကလေးတွေက ပေါင်မုန့်ကို ရှာရင်း
ပေါင်မုန့်တွေ၊ ပေါင်မုန့်တွေ
ခက်ခက်ခဲခဲ ရှာရတဲ့ ပေါင်မုန့်တွေ ...........။ ။
လင်းခါး(ယှဉ်ရုန်းခဲ့တဲ့ဘော်ဒီ-
No comments:
Post a Comment