လူလိမ္မာပါရမီရှင်တွေကို ကန့်သတ်ဖို့
လူ့ဗာလ အရိုင်းအစိုင်းတွေနဲ့ တည်ခင်းထားတဲ့
သမိုင်းနဲ့ ကမ္ဘာကြီး
ဂေဟစနစ်ကို ဖျက်ဆီးပြီး
လူ့ယဉ်ကျေးမှု ကွင်းဆက်ပြတ်အောင် ဖန်တီးနေတဲ့ ကမ္ဘာကြီး
မျက်ရည်မြစ်တွေ၊ သောကပင်လယ်တွေ
ကယ်သူမဲ့ သမုဒ္ဒရာတွေ
မလိုတာတွေ များများဖြည့်စွက်ပြီး
လိုအပ်တာတွေကို ဆုတ်ယုတ်စေတဲ့
ကမ္ဘာကြီးရဲ့ သမိုင်းမှာ
လူမျိုးတုံးတိုက်ပွဲတွေ၊ ဘာသာရေးစစ်ပွဲတွေ
ပိရမစ်တွေလို
မဟာတံတိုင်းလို အံ့သြမင်သက်စေခဲ့
ငြိမ်းချမ်းရေးကို အပြောလွယ်သလောက်
အလုပ်ခက်စေတဲ့ ကမ္ဘာကြီးရယ်
လူသားတွေအပေါ်
ရန်ကို ရန်ချင်း တုံ့ပြန်တော့မလား ။ ။
လင်းခါး
စိမ်းဖန့်နေတဲ့ စိမ်းကားရက်စက်မှုစာအုပ်မှ
No comments:
Post a Comment