အလုပ်အပ်ခြင်း
ဒီကဗျာ ကျနော် နည်းနည်းပြင်ဦးမှာပါ။ အကြမ်းထည်လေးပေါ့။
*** အလုပ်အပ်ခြင်း ***
ကမ္ဘာကြီးကို ဖျက်ပေးမယ်
ဒေါ်လာ ၁၀၀၀ ဘီလီယံ ပေးပါ
ကမ္ဘာကြီးကို ဖျက်ပေးမယ်
ဆင်ခြင်တုံတရားမဲ့ စစ်သား ၁၀သန်းတော့ပေးပါ
ကမ္ဘာကြီးကို ဖျက်ပေးမယ်
နောက်ထပ်ဘာသာကြီးနှစ်ခုနဲ့
အစွန်းရောက် ၁ သန်း ပေးပါ
ကမ္ဘာကြီးကို ဖျက်ပေးမယ်
နျူလက်နက် ၁၀၀၀ ပေးပါ
ကမ္ဘာကြီးကို ဖျက်ပေးမယ်
ရောဂါပိုး ဗိုင်းရပ်အသစ် အမျိုး ၁၀၀ ပေးပါ
ကမ္ဘာကြီးကို ဖျက်ပေးမယ်
ကမ္ဘာကြီးကို ဖျက်ပေးပါ့မယ်
နောက်တစ်ခါ ပြန်စလို့ မရအောင်
စကြာဝဠာအင်အားစုလျော့သွားအောင်
လူသားမျိုးနွယ်စုကြီးတင်မက
သက်ရှိမျိုးစိတ်ရဲ့ ဇာတ်သိမ်းခန်းအတွက်
ကမ္ဘာကြီးကို ဖျက်ပေးမယ် ။
မင်းဟာက ကြေးကြီးလွန်းပါတယ်ကွာ
ငါ့ဟာငါပဲ စာသင်ကျောင်းတွေလိုက်ဖျက်တော့မယ်
နည်းနည်းတော့ အချိန်ပေးရမပေါ့
အကောင်ကြီးတော့
အားနည်းနည်းပိုစိုက်ရမပေါ့။ ။
လင်းခါး
၃-၆-၂၀၁၃
No comments:
Post a Comment