---- တစ်ကိုယ်ကောင်းသမားရဲ့ ထုတ်ပြန်ကြေညာချက်ခေါ် မန်နီဖက်စတို ----
အထိမ်းအမှတ်နေ့တွေဆိုတာ အချိန်ဖြုန်းတာပဲ
ကမ်ပိန်းဆိုတာ အုပ်စုလိုက် ရမ်းကားတာ
တော်လှန်ရေးကာလဆိုတာ ငွေရှာကောင်းတာကလွဲ ပျော်စရာမရှိ
ခေတ်ပျက်ဆိုတာ အရှင်လတ်လတ် နတ်ပြည်ရောက်တဲ့အချိန်ကိုခေါ်တာ
တော်လှန်ရေးသမားဆိုတာ ပညာတတ်လူပျင်းတွေ
တန်းတူညီမျှမှုဆိုတာ ပေါင်မုန့်ပုံဆွဲထားတဲ့ ပန်းချီကားတစ်ချပ်ပါကွာ
ငြိမ်းချမ်းရေးဟာ ကျည်ဂျမ့်ဖြစ်လို့ ပစ်မရအချိန်တွေမှာပဲ ရှိတယ်
ကျည်ဂျမ့် မဖြစ်စေလို။
အာဏာရှင်တွေကို ခင်ပွန်းကြီးဆယ်ပါးထဲ ထည့်ဖို့ကောင်းတယ်
နီုင်ငံရေးအကျဉ်းသားဆိုတာ သူ့ပုံတီရှပ်ပေါ် ရိုက်ရောင်းခွင့်ရမှ ကောင်းတယ်
အများညီရင်တော့ ကိုယ်လည်း တက်ကြွလှုပ်ရှားသူပဲ
တစ်နိုင်ငံလုံးထွက်ရင်တော့ ကိုယ်လည်း တော်လှန်ရေးသမားပေါ့
ရှေ့ဆုံးက အလံကိုင်၊ ရှေ့ဆုံးက ကြွေးကြော်သံကိုင်
သေနတ်မဖောက်သရွေ့ ရဲရဲတောက်
ခေတ်ဟာ အမှောင်ကြီးစိုးလာပြီဆိုရင် ဖယောင်းတိုင်ရောင်းစားမယ်
ဘ၀ဆိုတာ တိုတိုလေး
စည်းစိမ်ယစ်မူးအနာမခံ အသာစံ ပျော်ပျော်ကြီးနေဖို့သာ တန်တယ်။ ။
လင်းခါး
21-6-2013
No comments:
Post a Comment